ସମାନ ପୋଷାକ, ସମାନ ପରିଚୟ: ଭାରତୀୟ ପୁଲିସ

ଭୁବନେଶ୍ୱର: ଏଵେ ଭିନ୍ନ ନୁହଁ ସାରା ଦେଶର ପୁଲିସ କର୍ମଚାରୀଙ୍କର ପୋଷାକ ଏକ ସମାନ ରୂପରେ ରହିବ। ପୂର୍ବରୁ, ଭିନ୍ନ ଭିନ୍ନ ରାଜ୍ୟରେ ପୁଲିସ ପୋଷାକ ଭିନ୍ନ ରଙ୍ଗର ଓ ଡିଜାଇନର ଥିଲା, କିନ୍ତୁ ବର୍ତ୍ତମାନ ସମସ୍ତ ରାଜ୍ୟର ପୁଲିସ ଗୋଟିଏ ପ୍ରକାରର ପୋଷାକ ପିନ୍ଧିବେ।କେନ୍ଦ୍ର ଗୃହ ମନ୍ତ୍ରଣାଳୟ ପକ୍ଷରୁ ଓଡ଼ିଶା ସହିତ ୧୬ଟି ରାଜ୍ୟ ଓ କେନ୍ଦ୍ରଶାସିତ ଅଞ୍ଚଳରୁ ମତାମତ ଆହ୍ବାନ କରାଯାଇଛି। ରାଜ୍ୟ ଓ କେନ୍ଦ୍ରଶାସିତ ଅଞ୍ଚଳଗୁଡିକୁ ନଭେମ୍ବର ୪ ମଧ୍ୟରେ ପୁଲିସ ପୋଷାକ ଓ ଭତ୍ତା ସମ୍ପର୍କରେ ସୂଚନା ଦେବାକୁ କୁହାଯାଇଛି।ସୂଚନା ଅନୁଯାୟୀ, କନେଷ୍ଟବଳରୁ ଆରମ୍ଭ କରି ଡିଏସ୍‌ପି ପଦବୀର ଅଧିକାରୀଙ୍କ ପର୍ଯ୍ୟନ୍ତ, ସମସ୍ତଙ୍କର ପୋଷାକର ରଙ୍ଗ, ପ୍ରକାର, ଭତ୍ତା ଓ ସମ୍ପର୍କିତ ବିବରଣୀ ଦାୟତ୍ୱରେ ଦେବାକୁ ହେବ।ସାରା ଦେଶରେ ସମାନ ପୁଲିସ ପୋଷାକ ପ୍ରଚଳନ ପାଇଁ ବ୍ୟୁରୋ ଅଫ୍ ପୁଲିସ ରିସର୍ଚ୍ଚ ଏଣ୍ଡ ଡେଭଲପମେଣ୍ଟ ପକ୍ଷରୁ ଉଦ୍ୟମ ଆରମ୍ଭ ହୋଇଛି। ନୂଆ ପୋଷାକର ରଙ୍ଗ, ଡିଜାଇନ, ମୂଲ୍ୟ ଆଦି ବିଚାର କରାଯିବା ପରେ ଚୂଡ଼ାନ୍ତ ନିଷ୍ପତ୍ତି ନିଆଯିବ।ଯଦି ପୁଲିସ ପୋଷାକର ପରିବର୍ତ୍ତନ ହୁଏ, ତେବେ ପଦବୀ ଅନୁସାରେ ଏମ୍ବଲେମ୍‌ରେ କୌଣସି ପରିବର୍ତ୍ତନ ହେବ ନାହିଁ। ସେଥିରେ ରାଜ୍ୟ ଓ କେନ୍ଦ୍ରଶାସିତ ଅଞ୍ଚଳର ଚିହ୍ନ ପୂର୍ବରୂପେ ରହିବ।