ଶୀତରେ ଥରଥର ଓଡ଼ିଶା ଦାରିଙ୍ଗବାଡି ରେ ତୁଷାରପାତ ଜାରି

ଭୁବନେଶ୍ୱର : ସାରା ରାଜ୍ୟରେ ଏବେ ଶୀତର ଲହରି। ସନ୍ଧ୍ୟା ଗଡ଼ିଲେ ଏତେ ମାତ୍ରାରେ ଶୀତ ହେଉଛି ଘରୁ ବାହାରିବାକୁ ମନେ ହେଉନି। ଏସବୁ ଭିତରେ କନ୍ଧମାଳ ଜିଲ୍ଲା ର ସ୍ଥିତି ବେଶୀ ସଂଗୀନ। କନ୍ଧମାଳ ଜିଲ୍ଲା ଜି ଉଦୟଗିରି, ଦାରିଙ୍ଗବାଡି, ଓ ଫୁଲବାଣୀରେ। ଦିନକୁ ଦିନ ଶୀତର ଲହରୀ ଅଞ୍ଚଳବାସୀଙ୍କ ପାଇଁ ଅସହ୍ୟ, ଅସମ୍ଭାଳ ହେବାରେ ଲାଗିଛି । ଦାରିଙ୍ଗବାଡି, ବେଲଘର ଅଞ୍ଚଳରେ ତୁଷାରପାତ ହୋଇଥିବା ଜଣା ପଡିଛି। ଦିନ ଓ ରାତିରେ ଶୀତର ଲହରୀ ଅନୁଭବ ହେଉଥିବା ବେଳେ ସନ୍ଧ୍ୟା ନଇଁ ଆସିବା ପରଠାରୁ ସକାଳ ୧୦ଟା ପର୍ଯ୍ୟନ୍ତ ଅସହ୍ୟ ଜାଡ଼ ଅସ୍ତବ୍ୟସ୍ତ କରିପକାଉଛି ଲୋକଙ୍କୁ। ଶ୍ରମିକ ହୁଅନ୍ତୁ କି ଚାଷୀ ଓ କର୍ମଚାରୀ ସଠିକ ସମୟରେ ନିଜ କାମଧନ୍ଦାରେ ବାହାରିବା ମୁସ୍କିଲ ହୋଇପଡିଛି। ଏବେ ଖରା ଓ ନିଆଁ ଲୋକଙ୍କ ପାଇଁ ଅଧିକା ଜରୁରୀ ହୋଇଛି। କାମଧନ୍ଦା ନଥିଲେ ସକାଳ ସମୟରେ ଲୋକ ଘରୁ ବାହାରୁ ନ ଥିବା ବେଳେ ସନ୍ଧ୍ୟା ହେବାକ୍ଷଣି ରାସ୍ତାଘାଟ, ବଜାର ଜନ ଶୂନ୍ୟ ହୋଇପଡୁଛି। କନ୍ଧମାଳ ଜିଲ୍ଲା ର ଆଭ୍ୟନ୍ତରୀଣ ଅଞ୍ଚଳ ରେ ଶୀତ ଦାଉରୁ ରକ୍ଷା ପାଇବା ପାଇଁ ଲୋକମାନେ ନିଆଁ ଲଗାଇ ବସୁଥିବା ଦେଖିବାକୁ ମିଳିଛି। କନ୍ଧମାଳ ଜିଲ୍ଲା ଜି ଉଦୟଗିରି ରେ ତାପ ମାତ୍ରା ୩. ୧ଡ଼ିଗ୍ରୀ ଥିବା ଦାରିଙ୍ଗବାଡି ରେ ୬. ୫ ଓ ଫୁଲବାଣୀ ରେ ୫. ୫ ଡ଼ିଗ୍ରୀ ତାପ ମାତ୍ରା ରହିଛି। କିନ୍ତୁ କନ୍ଧମାଳ ଜିଲ୍ଲା କୁ ପ୍ରର୍ଯ୍ୟଟକ ଶୀତର ମଜା ନେବାକୁ ଦୈନିକ ହଜାର ସଂଖ୍ୟାରେ ଓଡିଶା ର କାଶ୍ମୀର ଦାରିଙ୍ଗବାଡିକୁ ଆସୁଛନ୍ତି। ସେହିପରି କନ୍ଧମାଳ ଜିଲ୍ଲା ଜି ଉଦୟଗିରି,ଫୁଲବାଣୀ, ବାଲିଗୁଡା ଅଂଚଳ ରେ ଥିବା ପ୍ରାକୃତିକ ସୌନ୍ଦର୍ଯ୍ୟ ଦେଖିବା ପାଇଁ ରାଜ୍ୟ ତଥା ରାଜ୍ୟ ବାହାର ପର୍ଯ୍ୟଟକ ମାନଙ୍କ ଆଗମନ ହୋଇଛି।