ରାହୁଲଙ୍କ ଭୋଟର ତାଲିକା ହେରଫେର ଅଭିଯୋଗ: କର୍ଣ୍ଣାଟକ ମୁଖ୍ୟ ନିର୍ବାଚନ କମିଶନରଙ୍କ ନୋଟିସ

ନୂଆଦିଲ୍ଲୀ: ରାହୁଲ ଗାନ୍ଧୀଙ୍କୁ କର୍ଣ୍ଣାଟକ ମୁଖ୍ୟ ନିର୍ବାଚନ କମିଶନରଙ୍କ ନୋଟିସ । ଭୋଟର ତାଲିକାରେ ହେରଫେରକୁ ନେଇ ଲଗାଇଥିବା ଅଭିଯୋଗର ପ୍ରମାଣ ଦେବା ପାଇଁ ନୋଟିସ ହୋଇଛି। କର୍ଣ୍ଣାଟକର ଲୋକସଭା ନିର୍ବାଚନ ସମୟରେ ଭୋଟର ତାଲିକାରେ ହେରଫେର ହୋଇଥିବା କଂଗ୍ରେସ ନେତା ରାହୁଲ ଗାନ୍ଧୀଙ୍କ ଅଭିଯୋଗ ଉପରେ କର୍ଣ୍ଣାଟକର ମୁଖ୍ୟ ନିର୍ବାଚନ ଅଧିକାରୀ (ସିଇଓ) କଠୋର ଆଭିମୁଖ୍ୟ ଗ୍ରହଣ କରିଛନ୍ତି । କର୍ଣ୍ଣାଟକ ନିର୍ବାଚନ କମିଶନ ରାହୁଲ ଗାନ୍ଧୀଙ୍କୁ ତାଙ୍କ ଦାବିର ସମର୍ଥନରେ ଏକ ଶପଥପତ୍ର ଦାଖଲ କରିବାକୁ କହିଛନ୍ତି, ଯେଉଁଥିରେ ତାଙ୍କୁ ଅଯୋଗ୍ୟ ଭୋଟରଙ୍କୁ ଯୋଡିବା ଏବଂ ଯୋଗ୍ୟ ଭୋଟରଙ୍କ ନାମ ବାଦ ଦେବା ଅଭିଯୋଗର ପ୍ରମାଣ ଦେବାକୁ ପଡିବ। ଏହା ସହିତ, କମିଶନ ରାହୁଲ ଗାନ୍ଧୀ ଏବଂ କଂଗ୍ରେସ ପ୍ରତିନିଧିମଣ୍ଡଳକୁ ଶୁକ୍ରବାର ଦିନ ଭେଟିବା ପାଇଁ ସମୟ ଦେଇଛନ୍ତି।କଂଗ୍ରେସ କର୍ଣ୍ଣାଟକର ଏକ ଲୋକସଭା ଆସନର ଭୋଟର ତାଲିକାକୁ ଛଅ ମାସ ଧରି ଅଧ୍ୟୟନ କରିଥିଲା ଏବଂ ଜାଣିଥିଲା ଯେ ଭୋଟର ତାଲିକାରେ ବଡ଼ ଧରଣର ହେରଫେର ହୋଇଥିବା ନେଇ ରାହୁଲ ଗାନ୍ଧୀ ନିକଟରେ ଦାବି କରିଥିଲେ । କର୍ଣ୍ଣାଟକର ଗୋଟିଏ ବିଧାନସଭା କ୍ଷେତ୍ରରେ ଏକ ଲକ୍ଷରୁ ଅଧିକ ନୂତନ ଭୋଟର ଯୋଡା ଯାଇଛି । ନିର୍ବାଚନ କମିଶନ ଗଣତନ୍ତ୍ରକୁ ନଷ୍ଟ କରିବା ପାଇଁ ବିଜେପି ସହିତ କାମ କରୁଛି । ଏହା ଏକ ଅପରାଧ ଏବଂ ଏହି ଅପରାଧ ପାଇଁ ଦଣ୍ଡ ଦିଆଯିବା ଉଚିତ ବୋଲି କହିଛନ୍ତି। କର୍ଣ୍ଣାଟକର ଉପମୁଖ୍ୟମନ୍ତ୍ରୀ ଡି.କେ. ଶିବକୁମାର ମଧ୍ୟ ଏହି ଅଭିଯୋଗଗୁଡ଼ିକୁ ସମର୍ଥନ କରିଥିଲେ ।