ନୂଆଦିଲ୍ଲୀ: ଲୋକସଭାରେ ଉପସ୍ଥାପିତ ହୋଇଛି ଅନଲାଇନ୍ ଗେମିଂ ବିଲ୍ ୨୦୨୫ । ସୂଚନା ଓ ପ୍ରଯୁକ୍ତିବିଦ୍ୟା ମନ୍ତ୍ରୀ ଅଶ୍ବିନୀ ବୈଷ୍ଣବ ଏହି ବିଲ୍ ଉପସ୍ଥାପିତ କରିଛନ୍ତି । ବେଟିଂ ସହି ଜଡ଼ିତ ଅନଲାଇନ୍ ଟଙ୍କା ଖେଳକୁ ନିଷିଦ୍ଧ କରିବା ଲକ୍ଷ୍ୟରେ ଏହି ବିଲ ପ୍ରସ୍ତୁତ କରାଯାଇଛି ।
ଏହି ବିଲ୍ ରେ ଅନଲାଇନ୍ ମନି ଗେମିଂ କିମ୍ବା ଏହାର ବିଜ୍ଞାପନ ଉପରେ ନିଷେଧ ପାଇଁ ବ୍ୟବସ୍ଥା ରହିଛି । ଇ-କ୍ରୀଡା, ଶିକ୍ଷାଗତ କ୍ରୀଡା ଏବଂ ସାମାଜିକ କ୍ରୀଡା ସମେତ ଅନଲାଇନ୍ କ୍ରୀଡା କ୍ଷେତ୍ରର ସାମରିକ ବିକାଶ ଏବଂ ନିୟନ୍ତ୍ରଣ ପାଇଁ ଏକ ପ୍ରାଧିକରଣକୁ ପ୍ରୋତ୍ସାହିତ, ନିୟନ୍ତ୍ରଣ ଏବଂ ପ୍ରତିଷ୍ଠା କରିବାର ବ୍ୟବସ୍ଥା ମଧ୍ୟ ଅଛି ।
ଭାରତର ଅନଲାଇନ୍ ଗେମିଂ ଇଣ୍ଡଷ୍ଟ୍ରୀ ବର୍ତ୍ତମାନ ପ୍ରାୟ ୩୨ ହଜାର କୋଟି ଟଙ୍କା ମୂଲ୍ୟର ଅଟେ । ଏଥିମଧ୍ୟରୁ ୮୬ ପ୍ରତିଶତ ରେଭେନ୍ୟୁ ରିଅଲ ମନି ଗେମିଂରୁ ଆସିଥାଏ । ଇଣ୍ଡଷ୍ଟ୍ରୀ ଏକ୍ସପର୍ଟମାନେ ଆକଳନ କରିଥିଲେ ଯେ ୨୦୨୯ ସୁଦ୍ଧା ଏହା ୮୦ ହଜାର କୋଟି ଟଙ୍କାରେ ପହଞ୍ଚିପାରେ, କିନ୍ତୁ ମନି ଗେମିଂ ଉପରେ ପ୍ରତିବନ୍ଧକ ସିଧାସଳଖ ଏହି ଅଭିବୃଦ୍ଧି ପଥକୁ ପ୍ରଭାବିତ କରିବ ।
