ସୁନ୍ଦରଗଡ଼: ଓଡି଼ଶା -ଝାଡଖଣ୍ଡ ସୀମାନ୍ତ ଚତରା ଜିଲ୍ଲାରେ ସାନ୍ତାନ ଗଞ୍ଜୁ ନାମକ ଜଣେ ବ୍ୟକ୍ତିଙ୍କୁ ଖୋଜିବାକୁ ଲେମ୍ବୋଡିହ ବିଶନପୁର ଗାଁରେ ପହଞ୍ଚିଥିବା ନକ୍ସଲମାନେ ଦୁଇଟି ଗାଡ଼ି ବୁଧବାର ରାତିରେ ପୋଡ଼ି ଦେଇଛନ୍ତି। ଘଟଣା ପରେ, ପୁଲିସ ଅଞ୍ଚଳରେ ଚଢ଼ଉ ଜାରି ରଖିଛି। ସିପିଆଇ ମାଓବାଦୀମାନେ ପୁଣି ଥରେ ସେମାନଙ୍କର ଉପସ୍ଥିତି ଜାହିର କରିଛନ୍ତି। ସୂଚନା ଅନୁସାରେ ମାଓବାଦୀମାନେ ଟାର୍ଗେଟ୍ କରୁଥିବା ବ୍ୟକ୍ତିଙ୍କୁ ଖୋଜୁଛନ୍ତି। ଯଦି ନପାଇଲେ ସେମାନଙ୍କ ତାଣ୍ଡବ ଦେଖାଉଛନ୍ତି। ଦୁଇଟି ଗାଡି ପୋଡ଼ି ଦେଇଛନ୍ତି ମାଓବାଦୀ। ତେବେ ପୋଡି ଯାଇଥିବା ଗାଡ଼ିଗୁଡ଼ିକ ମଧ୍ୟରେ ଏକ ଯାତ୍ରୀବାହୀ ଗାଡ଼ି ଏବଂ ଏକ ଟ୍ରାକ୍ଟର ଅନ୍ତର୍ଭୁକ୍ତ।
ଗାଡ଼ିଗୁଡ଼ିକୁ ପୋଡ଼ି ଦେବା ପରେ ନକ୍ସଲମାନେ ଘଟଣାସ୍ଥଳରୁ ପଳାଇ ଯାଇଥିଲେ। ଘଟଣା ପରଠାରୁ ଅଞ୍ଚଳରେ ଆତଙ୍କର ବାତାବରଣ ରହିଛି। ମିଳିଥିବା ସୂଚନା ଅନୁଯାୟୀ, ଗତକାଲି ସଶସ୍ତ୍ର ନକ୍ସଲମାନେ ପୁଲିସ୍ କୁ ସାହାଯ୍ୟ କରୁଥିବା ସାନ୍ତାନ ଗଞ୍ଜୁଙ୍କୁ ଖୋଜିବାକୁ ବିଶନପୁର ଗାଁରେ ପହଞ୍ଚିଥିଲେ। ଘରେ ସାନ୍ତାନ ନପାଇବାରୁ ନକ୍ସଲମାନେ ତାଙ୍କ ଘର ବାହାରେ ପାର୍କିଂ ହୋଇଥିବା ଦୁଇଟି ଗାଡ଼ି ପୋଡ଼ି ଦେଇଥିଲେ। ସେମାନେ ସାନ୍ତାନ ଗଞ୍ଜୁଙ୍କ ଘର ଏବଂ ଅନ୍ୟ ଜଣେ ଗ୍ରାମବାସୀଙ୍କ ଘରକୁ ବାହାରୁ ତାଲା ପକାଇ ଦେଇଥିଲେ। ଅଫିମ୍ ଚାଷ ନଷ୍ଟ କରିବା ପାଇଁ ପୁଲିସ୍ କୁ ଏକ ଟ୍ରାକ୍ଟର ଯୋଗାଇଥିଲେ ସାନ୍ତାନ । ସେହି କାର୍ଯ୍ୟାନୁଷ୍ଠାନ ପରେ ଅନେକ ଲୋକଙ୍କୁ ଜେଲ ପଠାଯାଇଥିଲା। ଏହି ମାମଲାରେ ଜଣେ ଯୁବକ ସମ୍ପ୍ରତି ଜେଲରୁ ବାହାରି ଆସିଥିଲେ ଏବଂ ସେ ନକ୍ସଲମାନଙ୍କ ସହ ମିଶି ଏହି ଘଟଣା ଘଟାଇଥିବା ସୂଚନା ମିଳିଛି।
ଓଡ଼ିଶା – ଝାଡ଼ଖଣ୍ଡ ସୀମାନ୍ତରେ ପୁଣି ସ୍ଥିତି ଜାହିର୍ କଲେ ମାଓବାଦୀ
