ଅଗ୍ନି-ପ୍ରାଇମ୍ କ୍ଷେପଣାସ୍ତ୍ରର ସଫଳ ପରୀକ୍ଷଣ

ନୂଆଦିଲ୍ଲୀ: ଗୁରୁବାର ଅଗ୍ନି ପ୍ରାଇମ୍ କ୍ଷେପଣାସ୍ତ୍ରକୁ ରେଳ-ଆଧାରିତ ମୋବାଇଲ୍ ଲଞ୍ଚର୍ ରୁ ନିକ୍ଷେପ କରାଯାଇଥିଲା। ପରୀକ୍ଷଣକୁ ସମ୍ପୂର୍ଣ୍ଣ ସଫଳ ବୋଲି ଘୋଷଣା କରାଯାଇଛି । ଏହି କ୍ଷେପଣାସ୍ତ୍ରର ଲକ୍ଷ୍ୟଭେଦ କ୍ଷମତା ୨,୦୦୦ କିଲୋମିଟର । ଏବେ ଭାରତ ଦେଶର ଯେକୌଣସି ସ୍ଥାନକୁ କ୍ଷେପଣାସ୍ତ୍ର ପରିବହନ କରିପାରିବ ଏବଂ ଉତକ୍ଷେପଣ କରିବ । ଅଗ୍ନି-ପ୍ରାଇମର ବିକାଶ ୨୦୧୦ ମସିହାରେ ଆରମ୍ଭ ହୋଇଥିଲା ଏବଂ ଏହା ଅଗ୍ନି-୫ ଅପେକ୍ଷା ହାଲୁକା ଏବଂ ଅଧିକ ଘାତକ।
ଏହି କ୍ଷେପଣାସ୍ତ୍ର ଭାରତର ଷ୍ଟ୍ରାଟେଜିକ୍ ଫୋର୍ସେସ୍ କମାଣ୍ଡ ପାଇଁ ଉଦ୍ଦିଷ୍ଟ। ଏହି ପରୀକ୍ଷଣ ଓଡ଼ିଶାର ଚାନ୍ଦିପୁର ସମନ୍ୱିତ ପରୀକ୍ଷଣ ରେଞ୍ଜରେ କରାଯାଇଥିଲା।
ରାଜନାଥ ସିଂହଙ୍କ ପୋଷ୍ଟରେ କୁହାଯାଇଛି, “ଏହି କ୍ଷେପଣାସ୍ତ୍ରଟି ଆହୁରି ଅନେକ ଗୁରୁତ୍ୱପୂର୍ଣ୍ଣ ବୈଶିଷ୍ଟ୍ୟ ରହିଛି । ଏହାକୁ ଆଜି ଏକ ସ୍ୱତନ୍ତ୍ର ଭାବରେ ଡିଜାଇନ୍ କରାଯାଇଥିବା ରେଳ-ଆଧାରିତ ମୋବାଇଲ୍ ଲଞ୍ଚର୍ ରୁ ଉତକ୍ଷେପଣ କରାଯାଇଛି। ”
ପ୍ରତିରକ୍ଷା ମନ୍ତ୍ରୀ ମଧ୍ୟମ ଦୂରଗାମୀ ଅଗ୍ନି-ପ୍ରାଇମ୍ କ୍ଷେପଣାସ୍ତ୍ରର ସଫଳ ପରୀକ୍ଷଣ ପାଇଁ ଡିଆରଡିଓ, ଷ୍ଟ୍ରାଟେଜିକ୍ ଫୋର୍ସ କମାଣ୍ଡ ଏବଂ ସଶସ୍ତ୍ର ବାହିନୀକୁ ଅଭିନନ୍ଦନ ଜଣାଇଥିଲେ।
ଅଗ୍ନି-ପ୍ରାଇମ୍ ଅଗ୍ନି ସିରିଜର ଏକ ଉନ୍ନତ ସଂସ୍କରଣ ଏବଂ ଏହା ଉଚ୍ଚ-ସଠିକତା ନାଭିଗେସନ୍ ସିଷ୍ଟମ ଏବଂ କ୍ୟାନିଷ୍ଟର ଲଞ୍ଚ ପ୍ରଯୁକ୍ତିବିଦ୍ୟା ସମେତ ବିଭିନ୍ନ ଉନ୍ନତ ଫିଚର ରହିଛି । ଏହି କ୍ଷେପଣାସ୍ତ୍ର ସଲିଡ୍ ଇନ୍ଧନଯୁକ୍ତ ଏବଂ ପାରମ୍ପରିକ ତଥା ପରମାଣୁ ଯୁଦ୍ଧାସ୍ତ୍ର ଉଭୟ ବହନ କରିବାକୁ ସକ୍ଷମ।
ଡିଆରଡିଓ ମୁଖ୍ୟ ଡକ୍ଟର ସମୀର ଭି. କାମତ କହିଛନ୍ତି, “ଏହି ସଫଳତା ଆମର ସ୍ୱଦେଶୀ ପ୍ରଯୁକ୍ତିର ଶକ୍ତିକୁ ପ୍ରଦର୍ଶନ କରେ। ଆମେ ଆଗାମୀ ବର୍ଷଗୁଡ଼ିକରେ ଅଧିକ ଉନ୍ନତ ପ୍ରଣାଳୀ ବିକଶିତ କରିବୁ। ଏହି ପରୀକ୍ଷଣ ଏପରି ଏକ ସମୟରେ ହେଉଛି ଯେତେବେଳେ ଭାରତ ନିଜର ପ୍ରତିରକ୍ଷା କ୍ଷମତାକୁ ସୁଦୃଢ଼ ​​କରିବା ପାଇଁ ଆତ୍ମନିର୍ଭର ଭାରତ ଅଭିଯାନ ଉପରେ ଗୁରୁତ୍ୱ ଦେଉଛି।
ପୂର୍ବରୁ, ସ୍ଥିର ସ୍ଥାନରୁ କ୍ଷେପଣାସ୍ତ୍ର ନିକ୍ଷେପ କରାଯାଉଥିଲା, ମାତ୍ର ଏହି ଲଞ୍ଚ ଏବେ ଶତ୍ରୁକୁ ଚକମା ଦେଇପାରିବ। ଚଳନ୍ତା ଟ୍ରେନରୁ ନିକ୍ଷେପ କ୍ଷମତା ଭାରତର କ୍ଷେପଣାସ୍ତ୍ର ଶକ୍ତିକୁ ବହୁ ଗୁଣ ବୃଦ୍ଧି କରିଛି ।