ନୂଆଦିଲ୍ଲୀ: ଭାରତର ସ୍ୱାଧୀନତା ସଂଗ୍ରାମର ସର୍ବକନିଷ୍ଠ ଶହୀଦ ବାଜି ରାଉତଙ୍କ ୮୮ତମ ଶହୀଦ ଦିବସ ଅବସରରେ ଭବ୍ୟ ଏବଂ ଭାବପୂର୍ଣ୍ଣ ଶ୍ରଦ୍ଧାଞ୍ଜଳି ଅର୍ପଣ କରାଯାଇଛି। ସେହି କୁନି ବାଳକଟିର ଅସୀମ ସାହସ କୁ ମନେପକାଇ, ୱାର୍ଲ୍ଡ ଓଡ଼ିଶା ସୋସାଇଟି ଏବଂ ଆର୍ଟ ଇଣ୍ଡିଆ ଫାଉଣ୍ଡେସନର ସହଯୋଗରେ ମାସିକ ଇଂରାଜୀ ପତ୍ରିକା ଉତ୍କଳ ଭାରତୀ ତରଫରୁ ଏକ ଆନ୍ତର୍ଜାତିକ ୱେବିନାର ଆୟୋଜିତ ହୋଇଥିଲା।ଏହି ଅନଲାଇନ୍ ମଞ୍ଚରେ ଶତାଧିକ ବୁଦ୍ଧିଜୀବୀ, ପ୍ରବାସୀ ଓଡ଼ିଆ, ବିଭିନ୍ନ ଦେଶର ଓଡ଼ିଆ ସମାଜର ପ୍ରତିନିଧି, ୱାର୍ଲ୍ଡ ଓଡ଼ିଶା ସୋସାଇଟିର ସଦସ୍ୟ, ବିଶ୍ୱବିଦ୍ୟାଳୟର ଶିକ୍ଷକ ଓ ଛାତ୍ରଛାତ୍ରୀମାନେ ଯୋଗ ଦେଇଥିଲେ।ସ୍ମୃତି ସଭାରେ ଉତ୍କଳ ଭାରତୀର ସଂସ୍ଥାପକ ସମ୍ପାଦକ ଡଃ ନିର୍ମଳ ପଟ୍ଟନାୟକ ସ୍ବର୍ଗତ ବାଜି ରାଉତଙ୍କ ସ୍ମୃତିପୀଠ ସ୍ଥାପନ ପାଇଁ ପ୍ରସ୍ତାବ ରଖିଥିଲେ।ଏହି ସଭାରେ ବାଜି ରାଉତଙ୍କ ସାହସ, ଦେଶଭକ୍ତି ଓ ଲୋମହର୍ଷକ ହତ୍ୟାର ବିବରଣୀକୁ ସ୍ମରଣ କରାଯାଇଥିଲା। ବିଭିନ୍ନ ଗୁରୁତ୍ୱପୂର୍ଣ୍ଣ ବ୍ୟକ୍ତି, ଯେପରିକି ଡଃ ଅରୁନ୍ଧତୀ ଦେବୀ, ରବୀନ୍ଦ୍ର ନାଥ ପ୍ରଧାନ, କିଶୋର ଦ୍ବିବେଦୀ, ଦେବାଶିଷ ପାତ୍ର, ଶିବ ରଞ୍ଜନ ବିଶ୍ୱାଳ, ଅନିନ୍ଦିତା ଦାସ ଓ ଅନେକ ଅନ୍ୟାନ୍ୟ ବିଶେଷଜ୍ଞ ବାଜି ରାଉତଙ୍କୁ ଶ୍ରଦ୍ଧାଞ୍ଜଳି ଦେଇଥିଲେ l ବର୍ତ୍ତମାନର ଯୁବ ପୀଢ଼ି ଦେଶ ମାତୃକା ପ୍ରତି ତାଙ୍କର ଉତ୍ସର୍ଗୀକୃତ ସାଧନାକୁ ଅନୁସରଣ କରିବାର ଆବଶ୍ୟକତା ରହିଛି ବୋଲି ଉପସ୍ଥିତ ଅତିଥିବୃନ୍ଦ ମତବ୍ୟକ୍ତ କରିଥିଲେ ।ୱାର୍ଲଡ଼ ଓଡ଼ିଶା ସୋସାଇଟିର ଅଧ୍ୟକ୍ଷ କିଶୋର ଦ୍ବିବେଦୀ, ବାଜି ରାଉତଙ୍କର ଆଦର୍ଶ ଜୀବନ ଏବଂ ମହାନ ଦର୍ଶନ ଯୁଗ ଯୁଗ ଧରି ଆମର ସମାଜକୁ ପ୍ରେରଣା ଯୋଗାଇ ଚାଲିଥିବ ବୋଲି ଦର୍ଶାଇଥିଲେ ।ବାଜି ରାଉତଙ୍କୁ ଜାତୀୟ ଗୌରବ ବୋଲି ସୂଚାଇ ଓଲିଉଡ ଅଭିନେତା ଦେବାଶିଷ ପାତ୍ର ତାଙ୍କର ଜୀବନୀ ଉପରେ ଏକ ଚଳଚ୍ଚିତ୍ର ନିର୍ମାଣ ପାଇଁ ପ୍ରସ୍ତାବ ଦେଇଥିଲେ। ଆର୍ଟ ଇଣ୍ଡିଆ ଫାଉଣ୍ଡେସନର ସଭାପତି ଏବଂ ଦିଲ୍ଲୀ ବିଶ୍ୱ ବିଦ୍ୟାଳୟର ଇତିହାସ ବିଭାଗର ପ୍ରଫେସର ଡକ୍ଟର ଶାନ୍ତନୁ କୁମାର ଦାସ ଢେଙ୍କାନାଳର ପ୍ରଜା ଆନ୍ଦୋଳନ, ବ୍ରିଟିଶ ସୈନିକଙ୍କ ଦୌରାତ୍ମ୍ଯର ବିଭୀଷିକା ଓ ବାଜି ରାଉତଙ୍କର ଲୋମହର୍ଷଣକାରୀ ହତ୍ୟାର ବିଷଦ ବିବରଣୀ ପ୍ରଦାନ କରିଥିଲେ।
ଏହି ଆଭାସୀ ମଞ୍ଚରେ ବାଜି ରାଉତଙ୍କୁ ଶ୍ରଦ୍ଧାଞ୍ଜଳି ଅର୍ପଣ କରିଥିବା ବିଭିନ୍ନ ମାନ୍ୟଗଣ୍ୟ ବ୍ୟକ୍ତି ବିଶେଷଙ୍କ ମଧ୍ୟରେ ସାଉଦି ଆରବରୁ ଅଜୟ କୁମାର ଦାସ, କ୍ୟୁଏତରୁ ବିଶ୍ୱ ରଞ୍ଜନ ସାହୁ, ୟୁ କେରୁ ୱାର୍ଲଡ଼ ଓଡ଼ିଶା ସୋସାଇଟିର ମହା ସଚିବ ଶିବ ରଞ୍ଜନ ବିଶ୍ୱାଳ, ପ୍ରସିଦ୍ଧ ଗାୟିକା ଅନିନ୍ଦିତା ଦାସ, ୱାର୍ଲଡ଼ ଓଡ଼ିଶା ସୋସାଇଟିର ଛତିଶଗଡ଼ ଶାଖାର ସଭାପତି ଏବଂ ସୁନାମଧନ୍ୟ ନୃତ୍ୟଶିଳ୍ପୀ ପୂର୍ଣ୍ଣଶ୍ରୀ ରାଉତ, ଭୁବନେଶ୍ବରରୁ ହୃଷୀକେଶ ପାତ୍ର ଓ ବାସୁଦେବ ଜେନା, ସମ୍ବଲପୁରରୁ ଡଃ. ସର୍ବେଶ୍ୱର ପ୍ରଧାନ, ଭଦ୍ରକରୁ ସତ୍ୟବ୍ରତ ମହାନ୍ତି ଏବଂ ଗୁରୁଗ୍ରାମରୁ ପ୍ରହ୍ଲାଦ ମହାନ୍ତି ପ୍ରମୁଖ ଅନ୍ତର୍ଭୁକ୍ତ ଥିଲେ। ୱାର୍ଲଡ଼ ଓଡ଼ିଶା ସୋସାଇଟିର ପରିବେଶ ବିଭାଗର ସାଧାରଣ ସମ୍ପାଦକ ରାମକୃଷ୍ଣ ଦାଶ ଧନ୍ୟବାଦ ଅର୍ପଣ କରିଥିଲେ।ଡିଜିଟାଲ କକ୍ଷକୁ ନନ୍ଦନ ଦ୍ବିବେଦୀ ଦକ୍ଷତାର ସହିତ ନିୟନ୍ତ୍ରଣ କରିଥିଲେ।ଏହି ୱେବିନାରରେ ଯୋଗଦେଇ ଥିବା ବ୍ୟକ୍ତିମାନଙ୍କ ମଧ୍ୟରେ ଆମେରିକାରୁ ଅକ୍ଷୟ ମହାନ୍ତି, ଆର୍ଟ ଇଣ୍ଡିଆ ଫାଉଣ୍ଡେସନର ନିର୍ଦେଶକ ଡଃ ସସ୍ମିତା ଦାସ, ଡଃ ଭାରତୀ, ଡଃ ରଚନା ପ୍ରସାଦ, ଡଃ ବିକାଶ ମିଶ୍ର, ଡଃ ଅଶୋକ ସହାୟ, ଡଃ ଗୀତା ଗଙ୍ଗୋତ୍ରି, ଡଃ କାବେରୀ ବେହେରା,ମୀମାଂସା ପଟ୍ଟନାୟକ, ଉତ୍କଳ ଭାରତୀର କଳା ସମ୍ପାଦକ ଅଳ୍ପନା ପଟ୍ଟନାୟକ, ଉତ୍କଳ ଭାରତୀର ମାନବ ସମ୍ବଳ ମୁଖ୍ୟ ଉତ୍ତମ ଦେଓ, ଅମନ ପଟେଲ, ଶ୍ଵେତା ବିଶ୍ବାସ, ତନିସ୍କା ସିଂ, ନିଖିଳ ବାବୁ, ଶୁଭ ପରସାଇ, ଭାରତ ସିଂହ, ନୀତିନ ଜୈସ୍ବାଲ, ରାଜ ତିଳକ, ରୁଦ୍ରାକ୍ଷ ରିଚାରିୟା, କ୍ରିତିକା ହଂସ, ସିଦ୍ଧାନ୍ତ ରାଜ, ସୋନି, ସ୍ନେହା, ଚାରୁ ,ମନୀଷା ଏବଂ ପ୍ରତ୍ୟୁଷ ପ୍ରମୁଖ ଅନ୍ୟତମ ଥିଲେ।ସମଗ୍ର କାର୍ଯ୍ୟକ୍ରମକୁ ସଫଳତାର ସହିତ ଆୟୋଜନ କରିବାରେ ମୁଖ୍ୟ ଉଦ୍ୟୋକ୍ତା ଡଃ ନିର୍ମଳ ପଟ୍ଟନାୟକଙ୍କୁ ଉତ୍କଳ ଭାରତୀର ପରିଚାଳନା ସମ୍ପାଦକ ମଧୁସ୍ମିତା ପଟ୍ଟନାୟକ ସହଯୋଗ କରିଥିଲେ।
